Facebook ထဲက comment , like & share !!!

          

                ဒီနေ့ error စဉ်းစားမိတာလေးတစ်ခုကို ရေးချင်လို့ရေးလိုက်တာပါ။
error တို့အားလုံးက ဒီနေ့ခေတ်ရဲ့လူငယ်တွေဆိုတော့ internet ကို မသုံးသူမရှိသလောက်ပါပဲ။
Internet လို့ပြောလိုက်တာနဲ့ Gmail, Facebook,VZO, Twitter ဆိုတာတွေကို တော်တော်များများတွေးမိကြမှာပါ ။ ဒါတွေက လူသုံးများတဲ့ဆိုက်တွေပဲ။
အဲဒါတွေထဲကမှ error အဓိကပြောချင်တာက  Facebook ထဲကအကြောင်းတွေပါ။
အရင်တုန်းကတော့ Facebook ကိုဖွင့်တယ် သူငယ်ချင်းရှိမရှိကြည့်တယ် ၊သူတို့ဘာတွေအကြောင်းတွေတင်ထားလဲကြည့်တယ်၊
online မှာရှိတဲ့သူငယ်ချင်းနဲ့စကားပြောတယ်။ အများဆုံးလုပ်ဖြစ်တာက ဒီလောက်ပဲ။
အခုနောက်ပိုင်းမှ သူငယ်ချင်းတွေအကောင့်ထဲမှာရှိတဲ့လူတွေ ၊ တခြားအကောင့်တွေ ၊
Facebook ထဲမှာတွေ့သမျှ account တွေကိုဝင်ကြည့်တော့မှ
ပြသနာပေါင်းမြောက်များစွာကိုတွေ့ရတော့တာပါပဲ ။
ဒေါ်စုနဲ့ပတ်သက်ပြီးတစ်ဖက်နဲ့တစ်ဖက်အငြင်းပွားမှုတွေ ၊
ဦးသိန်းစိန်နဲ့ပတ်သက်တဲ့မကျေနပ်ချက်တွေ ၊ နိုင်ငံရေးနဲ့ပတ်သက်တဲ့ အမြင်မတူညီမှုတွေ ၊
စစ်တပ်နဲ့ပတ်သက်ပြီးတစ်ဖက်နဲ့တစ်ဖက် အမြင်မကြည်လင်မှုတွေ ၊
လူမျိုးရေးပဋိပက္ခတွေနဲ့ပတ်သက်ပြီး ပြောဆိုမှုတွေ ၊ အဲဒီလိုကိစ္စပေါင်းများစွာကို
တွေ့ရပါတယ် ။ အဲဒါတွေက ပြသနာလားဆိုတော့ မဟုတ်ဘူးဗျ ။
အဲဒီလိုမျိုး Facebook မှာတစ်ယောက်တင်လိုက်တဲ့အကြောင်းအရာကို အများစုက
ဝိုင်းပြီးတော့ comment တွေပေးကြ ၊ Like တွေလုပ်ကြ ၊ Share လုပ်ကြနဲ့
ပျော်စရာကောင်းပါတယ် ။ ဒါပေမဲ့ စုန်းပြူးဆိုတာက နေရာတကာမှာပါတယ်ဗျ။
ဒီအတိုင်းအမြင်မတူညီလို့ သဘောမတူတဲ့အကြောင်း comment ပေးတာက
Facebook ရဲ့သင်္ကေတတစ်ခုပါပဲ ။ ဒါပေမဲ့ ဆဲဆိုပြီးပြောတာတွေ ၊ မိုက်မိုက်ရိုင်းရိုင်းပြောတာတွေကတော့
မဖြစ်သင့်ဘူးလို့ထင်တာပဲ။
လူဆိုတာက တစ်ယောက်နဲ့တစ်ယောက်အမြင်မတူနိုင်ဘူးလေ ။ အမြင်မတူရင်ရိုင်းရမယ်လို့လည်း
ဘယ်တရားထဲမှာမှမပါပါဘူးဗျာ ။ ဒီတော့ ကိုယ်နဲ့မတူကိုယ့်ရန်သူလို့မသတ်မှတ်ဘဲနဲ့
ဒီအတိုင်းလေး ကျော်ဖတ်လိုက်ပေါ့ မဟုတ်ဘူးလား။
နောက်တစ်ခုပြောချင်တာက Facebook ကိုသုံးပြီး လူတစ်ဖက်သားကိုအပုပ်ချတာတွေ ၊
ကဲ့ရဲ့ရှုတ်ချတာတွေ လုပ်တဲ့အကြောင်းတွေပါ။
အဲဒီလိုလုပ်လိုက်လို့ ကိုယ့်အတွက်ဘာများထူးလာနိုင်လို့လဲ။
ကိုယ့်ရဲ့အဲဒီလိုမိုက်ရိုင်းတဲ့လုပ်ရပ်ကြောင့် ခံရတဲ့သူခမျာ
ဘယ်လောက်ဝမ်းနည်းလိုက်မလဲ ။
ကိုယ်မလုပ်ထားတာတွေနဲ့ကိုယ်မဟုတ်တဲ့အကြောင်းအရာတွေအတွက်
ပြန်ရှင်းပြရတာတွေက ကာယကံရှင်အတွက်တော့
တော်တော်စိတ်ညစ်ဖို့ကောင်းတဲ့ကိစ္စပါ။
ကိုယ်ပြောတာတွေအားလုံးက အမှန်တွေချည်းပဲဆိုဦးတော့
တစ်ဖက်သားနစ်နာမယ့်ကိစ္စမျိုးကို ဘာလို့လုပ်ချင်တာလဲ ။
ဒါကတော့ စိတ်ဓာတ်နဲ့ဆိုင်သွားပြီလို့ထင်တာပဲဗျ ။
အဲဒီလိုမျိုးတွေတင်မယ့်အစား ဗဟုသုတရနိုင်တာတွေ ၊ ကိုယ့်ရဲ့ခရီးသွားအတွေ့အကြုံတွေ ၊
ကိုယ့်ရဲ့ကိုယ်တွေ့ဖြစ်ရပ်တွေ ၊ ဟာသတွေ ၊နောက်ပြီး တင်လို့ရတဲ့ အကြောင်းအရာတွေအများကြီးပါဗျာ။
ဥပမာဗျာ - ကိုသက်တန့်ချိုလိုမျိုးပေါ့ ။ သူတင်လိုက်တဲ့ status တွေတိုင်းက အကျိုးရှိတဲ့အကြာင်းအရာတွေပဲဗျ ။(ဒါက error တစ်ယောက်တည်းရဲ့
အမြင်လည်းဖြစ်ချင်ဖြစ်မှာပေါ့ ) ။ အဲဒီအစ်ကိုကြီးကို အပြင်မှာလည်းမမြင်ဖူးဘူးဗျ။
သိလည်းမသိဘူး ။ဒါပေမဲ့ သူရေးတဲ့စာတွေဖတ်ပြီး သူ့ကိုတော့လေးစားမိတယ်။
အဲဒီလိုပြောလိုက်လို့ ကျန်တဲ့သူတွေကိုမလေးစားလို့မဟုတ်ဘူးနော် ။
အကုန်လုံးထည့်ပြောနေရင် စာကအရှည်ကြီးဖြစ်သွားလိမ့်မယ် ။

အခုတောင်စာကတော်တော်ရှည်နေပြီ။ :P
ဒါတွေက error တွေးမိတဲ့အကြောင်းအရာလေးတချို့ပါ ။
error လည်း အများကြီးသိလို့ရေးတာမဟုတ်ပါဘူး။ အဲဒီတော့
error ရဲ့စာထဲမှာအမှားပါရင်လည်း ခွင့်လွှတ်ဖို့ တောင်းဆိုချင်ပါတယ် ။
               
                                                                            error virus